اول شي السلام عليكم

.. الساعه 3:30 . خدرت بالصاله لمدة 30 دقيقه

والا ولدي الكبير بدر يما يما يما قومي سعودي قفل عليه الباب

.. الصراحه اول شي ما صدقيته لان وايد هو واخوه يسوولي مقالب

بعد 5 دقائق .. يما يما يما قوووومي

... والا صج .. الاخ اللطيف .. نازل من فراشه .. لا الصج .. شاكح من فراشه .. هو كله ما يوصل متر .. وفراشه اطول منه ..

فالاخ شاكح من فراشه .. والمميه بحلجه .. صاك الباب وقافل الباب

.. المشكله اشلون قفل الباب .. ما يطوووله والله ما يطول ...

ساعه ونص مخليني على ناري .. والاخ حاقرنا وقاعد يلعب

.. اناديها يا سعود تعال عطني المفتاح .. واساحله والعب من ورا الباب معاه .. وحاقرني ..

لا اقوله سعودي حبيبي شيل المفتاح وعطني واشرحله اياه صرت ياهل لتكلم مثل لغته

يقولي .. لااااااا ويمدهااا عااادي كمل لعب ولا همه..

اللي كنت اخاف منه اكثر انه يبطل الدريشه وينط مثل ما قفل الباب ما يندرا يعرف يبطل الدريشه والا لا

.. والله انه مره بغى يسويها ابوه موقفه على الدريشه وماسكه حييل .. جان يشيل ريوله ويحطها فوق ويقوله اروح اروح

.. من عقبها ماكو درايش ولا شي المفاتتح والدرايش الحين تقفلوا ونحط حدايد من برا

.. وجزاه الف خير خال ريلي ياب نجار بطلي الباب .. ريلي على ما ايي من الدوام الا انا ميته من البجي

على قولة خالتي .. اساليني انا ربيت صبيان .. ليلحين ما شفتي شي الله يعينج

________________________________________

يا بعض شباب الكويت .. يوزوا يوزوا من ملاحقة البنات بالشوارع وانتوا قاعدين تسوقون يتلي صديقتي تقولي يالي مراجع عور قلبي .. توه متزوج .. ما صارله سنه .. مرته كانت طالعه ..ولحقوها شباب .. وما خلوها في حالها .. وبممممم والا البنت مسويه حادث .. والان هي معاقه بلحظتها انت مستانس .. وشنو فااادتك هالوناسه .. ضيعت على البنت حياتها السعيده ارجو من الجميع الكف عن هذه الاعمال الطائشه يالله يا رب اصبر هذه البنت ورجعلها عافيتها ورجع لها ابتسامتها وفرحتها امين يارب العالمين _________________________________________

تذكير لكل من يود الانضمام الى نادي القصه .. زيارتنا للتعرف على الفكره اكثر
http://q9a9club.blogspot.com/