السلام عليكم



بما ان هذا الاسبوع ممل جدا الا يوم الامس كان ممتع بسبب يوم ميلاد صديقتي حيث استمتعنا به وسوينا شي مختلف اجرنا الهمر العود وسوينا الحفله داخل .. الكيكه مع الزينه .. والوقت كان ممتاز من الساعه 5:30 لغاية 7:00.. استانسنا وااااايد








اما باقي الاسبوع فممل .. والسبب من الاخبار اللي سمعناها واولها الفتوى الجديده واللي هي " فتوى الإرضاع للدكتور.عزت عطية " لهذه الدرجه استخفوا الناس بالاسلام .. راي ان هذا الدكتور يبي بس يشتهر بس مو عارف اشلون !!!


ذكرتني بصديقتي .. لما اسالتني عن الاسلام واكتشفت كم المعلومات الخاطئه التي لديها .. واسخفها ان في الاسلام حرام البنت تلبس الحجاب الابيض
طبعا انا ما اسكت خذتني الحميه وقعدت اشرح لها عن الاسلام




ثاني شي اللي مللني سوالف الدوام .. وما اقصد البنات بس .. سوالف الشباب والبنات .. بصراحه انصدمت .ماكو حدود بالسوالف بينهم .. يعني والله سمعت من صديقتي سالفه سمعتها من مجموعه من موظفين وموظفات في ادارتنا .. وعلى طول قامت وهدتهم.. انا استحيت وهذا انا مو قاعد معاهم .



واخرخبر وصلني بالايميل خبر من وزراة المواصلات:
ابتداء من اول يونيو سيتم اضافة رقم 2 الى جميع ارقام المنازل ، تجاري ، حكومي
اضافة رقم 9 لارقام الهواتف المتنقله بالنسبه لشركة الاتصالات
واخيرا اضافة رقم 6 لارقام الهواتف الوطنيه




NO COMMENT




مخي قفل

Inshallah happy weekend