السلام عليكم
احلى شي في دوامي ان كل يوم عندنا سالفه جديده انسولف فيها وناقشها
الاسبوع اللي طاف مواضيعنا عن التقليلد والاصلي – الناس في الخارج وداخل بلادهم و الانترنت والعيال
التقليد والاصلي
بداية السالفه كنا قاعدين نتكلم عن الفرق بين اسعار الماركات الحين و قبل 5 سنين غلاء الماركات
ففجأة وحده نطت وقالت ان باجر احنا راح ننسأل مالك فيما انفقته ؟ والبعض اتفق معاها في هالشي !!
ردي .. اذا انا معاشي كفي ويزيد ..ودافعه كل الالتزامات اللي علي بعد ليش ما اشتري .. لا قاعده اتدين ولا احط عى نفسي
وبعدين اذا انا اشتري تقليد . كأنني قاعده ابوق فكرة المصمم الاصلي
الناس في خارج وداخل الكويت
هالموضوع كان عن البنات اللي لبسهم اللي في الكويت وبره الكويت شي ثاني ..
في هذا الموضوع اللي نرفزني .. ان في بعض البنات في بالهم انني واحده منهم .. اشلون استنتجوا هذا الشي .. لانني مو متحجه وقعدت في امريكا فتره وزوجي خريج امريكا .. فعند عادي مثلا .. الحفرات ولبس المايوهات .. اصلا انا ما ارضى على نفسي هالشي !!!!!
الانترنت والابناء
ليلحين في ناس شباب ما يعرفون يستخدمون االكمبيوتر والانترنت .. واكثر من مره اسمع تعليقات علي لاني دايما اذا ما عندي شي اتكلم مع اهلي وصديقاتي بالمسنجر .. بالنسبه لي اعتبرها وسيله متطوره وسريعه وتربط بين الاهل .. يعني انا ما اقدر اتصل عليهم وحده وحده ( وااااايد ) فطريقه حلوه للتواصل !
والشي الثاني وخاصة للامهات والاباء .. لازم نواكب هذه التكنولوجبا علشان نكون في مستوى ابناءنا ( ولدي عمره 4 سنين .. ويعرف اشلون يرد على التلفون واشلون يشغل الكمبوتر وعنده محاولات ان يرسم في برنامج الرسم ) .. ولما ولدي يتناقش معي في التكنولوجيا يكون لي خلفيه عنها ويحس ان اهله مثقفين ومواكبين للتكنولوجيا ويقدر يتناقش مه والديه في هذا الشي .. اللي هو لغة العصر
احلى شي في دوامي ان كل يوم عندنا سالفه جديده انسولف فيها وناقشها
الاسبوع اللي طاف مواضيعنا عن التقليلد والاصلي – الناس في الخارج وداخل بلادهم و الانترنت والعيال
التقليد والاصلي
بداية السالفه كنا قاعدين نتكلم عن الفرق بين اسعار الماركات الحين و قبل 5 سنين غلاء الماركات
ففجأة وحده نطت وقالت ان باجر احنا راح ننسأل مالك فيما انفقته ؟ والبعض اتفق معاها في هالشي !!
ردي .. اذا انا معاشي كفي ويزيد ..ودافعه كل الالتزامات اللي علي بعد ليش ما اشتري .. لا قاعده اتدين ولا احط عى نفسي
وبعدين اذا انا اشتري تقليد . كأنني قاعده ابوق فكرة المصمم الاصلي
الناس في خارج وداخل الكويت
هالموضوع كان عن البنات اللي لبسهم اللي في الكويت وبره الكويت شي ثاني ..
في هذا الموضوع اللي نرفزني .. ان في بعض البنات في بالهم انني واحده منهم .. اشلون استنتجوا هذا الشي .. لانني مو متحجه وقعدت في امريكا فتره وزوجي خريج امريكا .. فعند عادي مثلا .. الحفرات ولبس المايوهات .. اصلا انا ما ارضى على نفسي هالشي !!!!!
الانترنت والابناء
ليلحين في ناس شباب ما يعرفون يستخدمون االكمبيوتر والانترنت .. واكثر من مره اسمع تعليقات علي لاني دايما اذا ما عندي شي اتكلم مع اهلي وصديقاتي بالمسنجر .. بالنسبه لي اعتبرها وسيله متطوره وسريعه وتربط بين الاهل .. يعني انا ما اقدر اتصل عليهم وحده وحده ( وااااايد ) فطريقه حلوه للتواصل !
والشي الثاني وخاصة للامهات والاباء .. لازم نواكب هذه التكنولوجبا علشان نكون في مستوى ابناءنا ( ولدي عمره 4 سنين .. ويعرف اشلون يرد على التلفون واشلون يشغل الكمبوتر وعنده محاولات ان يرسم في برنامج الرسم ) .. ولما ولدي يتناقش معي في التكنولوجيا يكون لي خلفيه عنها ويحس ان اهله مثقفين ومواكبين للتكنولوجيا ويقدر يتناقش مه والديه في هذا الشي .. اللي هو لغة العصر
9 comments:
الانترنت اصبح مهم جدا في هذا الوقت, فكثير من الاعمال يمكن انجازها عن طريقه.
شكرا عالمقال.
شلونج سمايل؟
موضوع الماركات
===
آنا وياج إذا كانت الميزانية
تسمح وتكفي فـ شالمانع إني أشتري ماركة؟
صح إحنا مسؤولين بالمال اللي ننفقه بس الحمدلله مو قاعدين ننفق بشي حرام
وبالنسبة للناس اللي يشترون تقليد
فهالشي عادي بالنسبة لي لأن لو تشوفين التقليد كثر والأصلي واااايد ناس مايقدرون على سعره حرام يظل الشي في خاطرهم :)
موضوع البنات واللبس خارج وداخل الكويت
====
أشكالهم الصراحة مقززة, خصوصاً
بالدول الأجنبيه
شنو هالسفاهه ونقص العقل
شلون أعيش بشكلين؟
بديرتي متستره وبره فاصخه؟
الواحد يعيش على طبيعته ويتنفس بالشكل اللي مايقلل من قدره
وبالنسبة حق وجهة نظر الناس باللي مو متحجبين هذا مو مقياس
كا المنقبات اللي متنقبين شكل بس
قاعدين يتفصخون أكثر من المره اللي مو محجبه
الواحد يحكم ع الشخصية مو الشكل
التكنولوجيا والنت
====
أصلن من كثر جهل البعض عباله إن كل اللي يجابون النت يجابلونه بأشياء مو زينه ..
لووول آنا يدتي كل ما شافتني مجابلة لابتوبي وأبوسم مرات تروح تشيّش أبوي عليّ
تحب تتغشمر يدتي
:)
وعذراً ع الإطالة
Smile .. buy what ever you want .. ok el kel mo7asab 3la shno defa3 mn floosah w la3ab feehom .. laken elle yeqdar 3la el markat w b7aith ena ma yqa9qe9 3la 3omrah w ybather .. its ok ..
w bel nesba lel lebs ..
kellen ysawee eb a9laaah :)
technology part:
I agree with u .. parents should be well educated to use technology and PCs, at least they can monitor their kids behavior :)
صباح الخيرر
حبييت اقوولج بخصووص اللبس
يعني بعرف على اذا المراة رضت على عمرها ولبست جذي الريال
ماعنده اجساااس
ومايحس مايغاار
شي غريييب
ومشكووورة
اموت بالبدليات
;pPp
اتعلمو بأه
;PpPp
===========
اكره شي عندي التقليد!!!!
ومثل ما قلتي دام تقدرين اخذي اصلي وفكي عمرج...:)
===========
البنات واللبس ....الحال من بعضو يا اختي العزيزه ....عيل اانا ليش مو متحجبه بالدوام يستغربون ليش اصلي؟؟؟
مره وحده منهم قالت لي شنو انتي دينه ؟؟؟؟
هاهاهاهاها نكته حلوه....!!
nice post...thanx...;>
بالنسبة لموضوع الماركات اذا الواحد يقدر ليش لأ ......... و بالنسبة حقي اذا باشتري يا شي عادي و اذا ما اقدر على الماركة ما اشتري احسن :) ما ادرياذا فهمتي قصدي كتبت الجملة اكثر من مرة بس مو قادرة اوصلها
و سالفة البنات الي بره....... الله يستر عليهم
الانترنت حياة اخري لا نستطيع الاستغناء عنه
وقبل يقال الجاهل من لا يقرأ ويكتب ام الان يجب ان يتعلم الشخص على الاقل ابجديات الكمبيوتر
مبارك عليك الشهر قبل زحمة الجمعيات
: عليكم السلام
الماركات :
نحتار وايد بهالمسألة .. إذا عندي فلوس .. هل أصير طماع وأشتري وأسرف فلوسي ؟ ولا أصير زاهد وأتصدق وأشتري بقدر حاجتي ؟
في ناس تقول .. دام الله منعم عليك .. أشتر اللي تبي ويستدلون بالحديث " إن الله يحب أن يرى أثر نعمته على عبده "
وغيرهم يستدلون بقولة عمر " أوكلما اشتهيت اشتريت " ؟
والناس بين مسرف ومقتر وأحب الأمور أوسطها ..
Post a Comment