تحديث
المحامي خالد العبدالجليل اللي يقدم في برنامج تو الليل على قناة الوطن .. عنده هدف والا لا .. وشنو سالفته ..كل اللي قاعده اوشوفه عباره عن مواضع معاده وهو اللي يعيدها .. ما عنده سالفه يديده
شرايكم ؟؟؟؟
الروايه اللي الحين انا قاعده اقرأها روايه اختلاس للكاتب هاني النقشيدي
روايه تحكي عن المراه وبالاخص المراه في المجتمع السعودي وكيف هي محكومه بالعادات والتقاليد .. وتلك العادات التي تحكم بالسجن وكبت الحريات .. وفي ابسط شي حرية الزواج
وتتكلم عن الخيانه الزوجيه .. والتكتم الكامل لما يحصل في المجتمع السعودي من خيانات زوجيه
ويتطرق ايضا عن زواج المتعه وزواج المسيار
والكل يعرف ان زواج المتعه محرم .. اما زواج المسيار
اكتشف ان اكثر من شيخ دين يعترف بزواج المسيار ومن هم google خلال بحثي في موقع
الشيخ عبدالعزيز بن باز
ومفتي السعوديه الشيخ عبدالعزيز بن عيدالله ال الشيخ
وفضلة شيخ الازهر محمد سيد طنطاوي وغيرهم من الشيوخ من اباحوا زواج المسيار والقائلون بعد اباحته الشيخ محمد ناصر الدين الالباني الشيخ عبدالعزيز المسند المستشار بوزاره التعليم العالي في السعوديه وتجدون اراء هؤلاء الشيوخ في هذا الموقع http://www.yabeyrouth.com/pages/index3155.htm
الروايه اللي الحين انا قاعده اقرأها روايه اختلاس للكاتب هاني النقشيدي
روايه تحكي عن المراه وبالاخص المراه في المجتمع السعودي وكيف هي محكومه بالعادات والتقاليد .. وتلك العادات التي تحكم بالسجن وكبت الحريات .. وفي ابسط شي حرية الزواج
وتتكلم عن الخيانه الزوجيه .. والتكتم الكامل لما يحصل في المجتمع السعودي من خيانات زوجيه
ويتطرق ايضا عن زواج المتعه وزواج المسيار
والكل يعرف ان زواج المتعه محرم .. اما زواج المسيار
اكتشف ان اكثر من شيخ دين يعترف بزواج المسيار ومن هم google خلال بحثي في موقع
الشيخ عبدالعزيز بن باز
ومفتي السعوديه الشيخ عبدالعزيز بن عيدالله ال الشيخ
وفضلة شيخ الازهر محمد سيد طنطاوي وغيرهم من الشيوخ من اباحوا زواج المسيار والقائلون بعد اباحته الشيخ محمد ناصر الدين الالباني الشيخ عبدالعزيز المسند المستشار بوزاره التعليم العالي في السعوديه وتجدون اراء هؤلاء الشيوخ في هذا الموقع http://www.yabeyrouth.com/pages/index3155.htm
بالنسبه لي فانني اقف مع الشيوح الذين لم يبحوا هذا الزواج لا اجد الفرق بين زواج المسيار وزواج المتعه .. فلكل منها مده معينه وينتهي هذا العقد .. فالمراه انسانه عاطفيه بطبيعتها تحكم بمشاعرها قبل عقلها ... ودائما تبحث المراه في الزواج عن الالستقرار والامان والحبيب والصديق والاسره قبل متعتها الجسديه .. فكيف يحقق لها زواج المسيار كل ما تتمناه وقد قال الله تعالى في سوره الروم " ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون " (21
_________________________
في نظريه تقول اذا ابي اوصل لشخص معين لازم امر على ست اشخاص قبل لا اوصل للشخص المطلوب
وهذه النظريه عملوها فيلم ومثل فيها ويل سميث
اللي ابي اعرف شنو اسم هذه النظريه .. والفيلم شنو اسمه ؟
ساعدوني ؟؟؟
_________________________
سعود ولدي ما شاء الله عليه ذكي حرج ومغامر بشكل مو طبيعي يعني ما شاء الله عليه واسم الله عليه ماكمل الثلاث سنوات وتجبس مرتين وتخيط مره في راسه طبعا هذا غير الفلعات والرضات والتزلق وهذا كله ليلحين ما كمل ثلاث سنوات
حاولت انني ادور نادي علشان ادخله بس دايما يقولولي انه صغير لما يكبر ييبيه ؟
اقترحوا علي شنو اسوي معاه
ودمتم سالمين
17 comments:
لما اباحوا زواج المتعة
كان على ايام الغزوات والحروب والفتوحات الاسلامية
لان الريال كان يقعد بالحرب شهور طويلة
وخوفا من الفتنة اباحوا لهم زواج المتعة
او زواج المسيار
لكن الحين
ماكو لا غزوات ولا حروب
لكن استندوا على هالقاعدة الشرعية
علشان يبررون الزواج المؤقت
اقول قولي هذا واستغفر الله لي ولكم
:p
ودمتم بحب وود
كثرت القصص عن المجتمع السعودية وخاصة المراة السعودية بصورة مبالغ فيها
!!!!
زواج المسيار ده زيه زى المتعة المفروض
حد يقولنا على فرق
!!!!
سنعود دخليه نادى من دلوقتى واشركيه فى كذا رياضة كمان
ده احسن سن يتعلم فيه ويمارس فيه اكتر من رياضة
سعود
الله يحفظه .. ما عندي خبرة في التعامل مع الشياطين
:P
و الصراحة جزلج الله خير أفدتينا في موضوع الزواج ..
شكرا
مادري يعني انا قريت اللي مكتوب بالسايت بس يقولون الفرق بين المتعه والمسيار اعلان النكاح ....يعني زواج شرعي احسن...لان فيه كامل الحقوق ...:)
=====
يا حلووو سعيييود والله ...:*
هذا الرابط فيه الفرق بين زواج المتعة المحرم وبين المسيار وغيره.
http://www.almanhaj.net/images/zawj_mutaa1.gif
eng_q8
صح مثل ما قلت لو المساله الحلال صارت فوضه والكل يسوي اللي يبيه باسم الدين
مشكور على المرور
sologa-bologa
وحرم الرسول عليه الصلاة والسلام زواج المتعه في معركه خيبر او الخندق ما ني متأكده بس المهم انه حرمه
فما الفرق بين زواج التعه وزواج المسيار
استغفر الل العظيم والله يهدينا اجمعين
يعطيك العافيه
tam
الهدف من الزواجين واحد
اما النادي لغاية دلوقتي مش لاقيه نادي يقبلوا هنا في الكويت لان سنه صغير وهو شكله صغير اوييييي
kuw-son :
الله يحفظه ما شاء الله مغامر . امس عمه حطه فوق السور وقاله يالا نط وانا اسكك وعادي ما عنده مشكله نط
هههههههه
اجمعين ان شاء الله
نورتنا
q8ya :
ايه انا ماادري ليش يبون زواج مسيار .. اذا اب اعلنه اتزوج زواج عادي احسن شي
سعيييود امس نط من الطوفه وطبعا عمه امسكه بس شي عاااادي
bohsain :
بعد اللي قريته في الموقع وراي ان زواج المسيار وزواج بنيه الطلاق لا يحقق الهدف الاساسي للنكاح الشرعي وهو تكوين اسره متماسكه مستقره
لان الباقي دائما هناك ما يهدد امن واستقرار الاسره
اما زواج المتعه .. فهو فقط للمتعه الجسديه ولكن البعض يحلله فقط لشهوته
يعطيك العافيه
ههههههههههههههههههه ولدج هذا داهيه هههههههههههه اشوه الله ستر ...!!!
=====
العبدالجليل يظحكني وااايد هههههه بس صج وايد يعيد مواضيعه ما عنده شي يديد كل حلقه اشوفها اقول هذي مالت امس ليش عايدينها واكتشف بعدين ان لا حلقه يديده بس الموضوع اهوا ما تغير هههههههههههه
تعااااااااااااالي اليوووووووووم
;pPp
من صجج اتابعين الوطن
يا معوده هذا يعني اهو الي بيصلح المجتمع وباب النجار مخلع على قولتهم خليه يستانس بجم بيزه الي ياخذهم
سلام عليكم:
الفرق بين المسيار والمتعة كبير .. فالمتعة زواج محدد تاريخ انتهاءه .. أم المسيار لا .. فهو زواج دائم
وعقد زواج المسيار هو عقد عادي مثل أي عقد زواج آخر في الاسلام
لكن الاختلاف هو في الشروط ..
فإذا كان من شروط الزواج أن يتكفل الزوج بسكن يعيش فيه هو وزوجته
فالمسيار لا يضم هذا الشرط
ويكفي أن (يسيّر) الزوج على زوجته بين فترة وفترة .. والفترة هذي لها شروط يحددها الطرفين
وأعتقد أن زواج المسيار هو حل جيّد نوعاً ما لمشكلة العنوسة ولسد حاجات المرأة بالحلال
:::::::::::::
سعود بن سمايل .. الله يحفظه
بالنسبة لزواج المسيار حبيت اصحح شي قلتيه
زواج المسيار غير محدد بمده و لا ينتهي بانتهاء مدة مثل المتعه !
زواج المسيار كالزواج العادي .. فقط المرأه تتنازل عن بعض حقوقها برضاها.. مثلا حق النفقه و الصرف .. أو حق المبيت .. أو حق السكن ..
حسب ما تتفق مع الزوج
و كل شروط و اسس الزواج العادي لازم تطبق في هذا الزواج
و تنازل الزوجه عن حق من حقوقها مباح بدليل تنازل زوجه الرسول عليه السلام عن ليلتها للسيدة عائشة رضي الله عنها
لا افتي باباحه او كراهه او عدم جواز هذا الزواج فالامر متروك لاهل العلم و الدين
سمعت في الحرم مره شيخ كان يجيب على اسئله المصلين كالعاده بين المغرب و العشاء
عن زواج المسيار قال هو زواج صحيح و لكن رأيي انه زواج الجبناء
فالرجل الحق لا يقبله
هذا سايت يبين الفرق بين المتعه و المسيار :
http://www.yabeyrouth.com/pages/index3155.htm
---
وعليه سعوووود صغير على نادي حرااام عليج
العبدالجليل سخيف مع احترامي له.. =\
يتكلم عن الطلاق و مادري شنو
و يقول مشاكل الطلاق و هالناس اللي يطلقون..
و اهوا مطلق ثنتين مادري ثلاث !!
وبالنسبه حق ولدج الله يخليه لج و حق ابوه و يبلغج فيه
اعتقد سنه مناسب للحضانه !
مثل بامبينو و لا السلام اللي بالروضه..
و لا الحضانه اللي بالنزهه
اعتقد يقبلون 3 سنين..
و بالنسبه للمسيار و المتعه
ماعتقد بينهم اختلاف
و اللي اعرفه انهم حرام
لان من شروط الزواج ان ما يكون محدد بزمن او اي شي آخر !!
و ميرسي ^^
انا معاج مو مقتنعة بزواج المسيار
الزواج استقرار مو للمتعه فقط
بالنسبه لولدج عندي و عندج خير انا ولدي توه مكمل السنتين و اسم الله عليه الله يحفظه جذي شيطاااان ما اقدر اغفل عنه
اللي قاعد اسوييه اني احاول اشغله على طول ما اخليه فاضي يعني احطله العاب مل طلعت ويااه اشويه يعني ما احاول اخلييه برووحه اطلع كل طاقته لين وقت النوم يصير خلاص البطاريه خلصت و يبي ينام :)))
المحامى رفع عليكى قضية ولا ايه
فيينك
سعـــــود :) ما أجمله لا بأس أنا أقترح عليك إقتراح :
يبيه عندي أهوة بدوري عندي من الصبح لين المغرب :) .. بعهدتي
حفظهم الله ورعاهم
جزاك الله خيرا أخيتي الحبيبة
Post a Comment