حقوق المرأه السياسيه

قد تبدو حقوق المراه السياسيه مثل صندوق جميل من الخارج ولكن من الداخل فارغ

يطالبون بحقوق المرأه ومبروك عليكن ايتها النساء حقوقكن .. وهذا هو الصندوق من الخارج

اما الفارغ فهو

هناك ابسط الامور التي لا تستطيع المرأه ان تنجزها

وهذا اللي صار لي

رحت اسوي جوازات عيالي واجدد جوازي لان كنا مقررين نروح دبي لمدة اربع ايام نزور صديقتي وزوجها هناك وعلشان يشوفون عيالي واشوف بنتها اللي عمري ما شفتها بس بالصور ولان ريلي ما قدر يطلع من دوامه، فعلشان نلحق قلت خل اروح انا ... المهم .. خذيت اجازه وطالعه بالحر .. وعقب النطره جان تقولي : اختي ما يصير تسوينهم انتي لازم ريلج واذا مو ريلج ابو ريلج

انزين انا امهم

والله ما يصير حتى لو عمرج 50 سنه هم ما يصير

انزين ليش ؟

!!!!!يمكن الزوجه تاخذ عيالها وتنحاش فيهم وتطلع بره الديره

يا سلام بس اذا الزوج انحاش فيهم بره عااااادي عياله

!!!!!!!!!!!!!!!!!!!!!!!!!

على قولة رفيجتي

this country runs by men !!!!!!