what I like in ramadan ?
اول شي .. القيمت وشوربة العدس .. طعمهم غير في رمضان
الشباب اللي يلعبون كرة قدم قبل الفطور ..احسن من لا يضيعون وقتهم بالمسلسلات
وقت الغروب .. يا حلو السما
البرامج الدينيه .. وخاصة التي تتكلم عن عظمة الله ورحمته وعن الرسول عليه الصلاة والسلام
الاذاعيه ما ادري ليش احب اسمعها في رمضان وخاصة وانا رايحه الدوام BBC قناة
الدوام في رمصان واااايد حلو ... ما ادري ليش في بعض الناس تتعب في رمضان وياخذون اجازه شهر .. ميخالف قلنا العشر الاواخر لصلاة القيام بس الايام الاولى الدوام يكون خفيف من الساعه 8:30 لغاية 1:00 ما يمدينا نبديه الا خلصناه
18 comments:
والله صاجه في اشياء معينه نحبها برمضان
وانا بعد اشوف الدوام برمضان خفيف وحلو وبسرعه يمر.. يااحلو رمضان
بس شنو البرامج الدينيه اللي تشوفينها؟ انا مااعرف غير محمد العوضي الراي، وودي بعد برامج جذي حلوه ومفيده
بصراحه رمضان في الكويت غير
حببتيني فيه
نسكافيه .. العوضي لا يعلى عليه :) صج
بس تعرفين .. ها السنه مفتقد قطعه 13 ههههه
اي والله كل شي حلو برمضان الا شي واحد زحمة الشوارع مو طبيعية
eee walaah alyam3aa wel sowalf 3'ayer fee erme9'aan
oo aldawaam 5afeef walaah al7emdelaah wayed a7san meen ga3dat albait ;)
يا حلو بدلياتج :/
انا غرامي شئ اسمه القيمت ..
وانا استمتع بالدوام في رمصان بعد :/
بدعتي يا سمايل :/ شكلج كاتبه الموضوع وانتي صايمة
SMILE WROTE :
اول شي .. القيمت وشوربة العدس .. طعمهم غير في رمضان
الشباب اللي يلعبون كرة قدم قبل الفطور ..احسن من لا يضيعون وقتهم بالمسلسلات
وقت الغروب .. يا حلو السما
البرامج الدينيه .. وخاصة التي تتكلم عن عظمة الله ورحمته وعن الرسول عليه الصلاة والسلام
الاذاعيه ما ادري ليش احب اسمعها في رمضان وخاصة وانا رايحه الدوام BBC قناة
الدوام في رمصان واااايد حلو ... ما ادري ليش في بعض الناس تتعب في رمضان وياخذون اجازه شهر .. ميخالف قلنا العشر الاواخر لصلاة القيام بس الايام الاولى الدوام يكون خفيف من الساعه 8:30 لغاية 1:00 ما يمدينا نبديه الا خلصناه
----
عشان اذا عدلتي بدلياتج تكون متدونه :/
أحلا شي عندي برمضان إني أطلع الساعة 9 و اليهال كلهم نايمين و مأمنه عليهم
و أرجع الساعة 12
الله متعة
القهاوي غير
القعدة برة غير
المنيو و السحلب غير
مالج أمل أقعد و أجابل مسلسل
رمضان إللي فات كنت أمشي كل يوم من الساعة 10 ليييه 11:30
و بعد المشي أشتري سحور حق و حق زوجي و يكون توه ساري من الدوانيه
ناكل بهدوء
إنسولف بهدوء
إنام و إنقوم شبعانين نوم
هالسنة غير دخل البلوق مكان أي وسيلة ترفيه بالتلفزيون
أقعد بوقت فراغي النص ساعة قبل لا أنام أزور المدونات و أعلق
2 الفير حاطة راسي و نايمة
أول أسبوع زيارات و لوية بس كلها 4 أيام و خلصنا
هههههههههههههههههه صادوووه
مو قلت لج لا تستعيلين وانتي تكتبين جم مرة اعلمج هاااااااااا
شوفي I live in q8
اشسوى فيج خخخخخخخخخ
تدرين انا اللي احبه في رمضان صلة الرحم مع انها لازم تكون على طول بس في رمضان خصوصا النفوس تهدى والقلوب تحن.....سبحان الله...:)
يعطيج العافيه...:)
الله كره قبل الفطور والا الممشى ايام قبل مو اللحين طبعا
بس صج صج
رمضان له لذه بكل شي
بس من يوم ما جانا هالسكر
الحمدلله على كل حال
ما قمت استلذ برمضان نفس قبل
والله الواحد بيقعد يتحسف شعر راسه على الايام اللي طافت
الله يغفر لنا و لكم
ان شاء الله
السلام عليكم
انا من الناس اللى تاخذ اجازة برمضان ما اقدر مخى مايجمع
تدرين ليش متعود على القهوة بس لا اكل ولا شى
مو عوار راس
بس من صج ما اركز وانا من النوع اللى اتعامل بالشغل بسرعة ما احب اتأخر فما احب يتأثر اداءى
زائد ان رمضان بالسنة مرة
اجابل مصحفى واحط راسى وانام بعد الفجر لى الظهر ابرك :)
يعنى تقدرين تقولين جدول غير:)
نسكافيه
عندج خواطر 2 و حمزه يوسف على ام بي سي والعوضي علىالراي وقناة قرأ والرساله يكفون ويوفون
dr.tanawy
ليش شوقتك عليه
هممم ما احبهم وايد !!!!
انسان بسيط
الحمد الله ما اعرف عن الزحمه ولا شي .. اضحكك .. انا من بيتي لي الدوام ياخذ 5دقايق .. مرات اغير الطريق علشان مليت من الاول
هههههههههههههه
!!!!!!!!!!!!!!!
kitty
ي واحد اوله يا ليتيني في البيت .. اذا حان فين النوم
cosimfree911
قعدة الصبح اللي تخليني اتمنى قعدة الصبح بس جان زين على طول السنه الدوام نفس رمضان
i_live _in_q8
عاد تصدق هذا بعد وانا معدله الحجي .. ترى هذا ولا شي عيل لو تسمعني اتكلم كلا بدليات .. ما اعرف اعبر الا بالاشارات .. اسأل اختي عن تعابيري
والكلمه اللي ليلحين معلقه فيني مو راضيه التعدل من وانا صغيره كلمت
شاريه ليلحين اقولها
شايره
هههههههههههههههههههههه
rema :
واااي جان زين انام الساعه ثنتين ترين انا ليلحين انا حق الدوام الساعه 11:30
اتعب تدرين لي .. لان انا اوم من النوم مرتين الى ثلاث مرات من النوم .. اللي يبي حليب والي حلمان والا انا اكون عطشانه
فعادة انام 5 ساعات باليوم
تصدقين مع انه شهر تسعه يكون عادة حر .. بس سبحان الله ليش رمضان برااا الله يدزم علينا ان شاء الله
Q8YA >>
احنا تناقشنا بالسالفه مطولا
ههههههههههههههههههههههههههههههههههه
shoug
يحرني اللي يشوف هالمسلسل سخيييف شوفي طاش ما طاش احلى
ههههههههههههههههه
enter-q8
ما تشوف شر .. عاد تدري وانا حامل في ولدي الثاني .. حاشن سكر وظل معاي عقب ولاده ولدي جم شهر وبعدها الحمد الله وااايد خف عني بس لازم انتبه على اللي اكله لان يمكن يرجع لي مره ثانيه لان وراثه عندنا بالعايله المهم .. انا ادري انه اللي فيه سكر المشي زين حقه .. وانا حامل كنت على طول امشي
واخفف اكلي .. يعني ماكو دسم
والجو الحمد الله في رمضان يشجع واااااايد
الا اذا كنت القدم تنرفزكم انتوا يا الشباب
ما ادري التنرفزون على مباراه
فهذا راح يرفع السكر بلاها يا عمي
mishari
الله ياجرك على اللي تسويه .. كل واحد ومزاجه يا عمي .. بدام قاعد تسوي شي يسوى .. بلا دوام احسن .. احسن من اللي ياخذون اجازه .. لان طاقينها سهر على المسلسلات و الخرابيط
اول شى البلوق وايد حلو ولونه غريب ابيض ..؟؟
الشى الثانى احلى شى عندى اللقيمات والهريس...وطبعا التشريبة
ولعب الكرة قبل الفطور والله يتعب ماادرى شلون يلعبون الربع..جربته ساعات بس يدوخ :)
Post a Comment