قعدتي وسوالفي

السلام عليكم ، وكل عام وانتوا بخير... مع ان متأخر بس مشوها لي .. انا باك باك باك

على قولة شاديه .. وحشتوني وحشتوني وحشتوني
بداية تخيل وأنت قاعد في قعدتي .. المكان يطل على حديقة خضره .. وأنت الطالع هذه الخضرة من دريشه عوده
وجدامنا الدوه والكستن والكنافه والعصير وخاصة عصير خوخ ومانجا والحلوى و الفطاير والفاكهه و الحب والفستق بما اني مو من انصار الجاي والقهوه فماراح يكونون موجودين .. يلا بس عشانكم بخليهم ... وطايحيله سوالف

حياكم الله في قعدتي ونورتوها

بما ان موضوع صدام حسين ليلحين حااار ما برد فهو اول شي ... اعدام صدام حسين وعرضه على المحطات الفضائيه .. اراء وايد سمعتها منها المعارض لاعدامه يوم العيد واللي مؤيد لاعدامه لزيادة الفرحه فرحتين .. فرحة العيد وفرحة موته .. والرأي الغريب اللي سمعته .. ان صدام حي يرزق وعايش في امريكا .. يعني الله يخليكم لها خلق امريكا تصرف عليه .. شنو بينفعهم فيه
رأي .... هذا يومه
اللي مستغربه منه اشلون حركة حماس الدافع عنه وتعتبره شهيد .. ما ادري اشلون بعض الناس تفكر .. يعني اللي يوقف ويقول انا ضد الاسرائليين بس عادي يغزي دوله اخرى ويعتدي على اعراض الناس وينهبها يعتبر شهيد .. خلاص الله غفر له .. بس المهم ان هو ضد الاسرائليين .. استغفر الله العظيم ..
واللي اعرفه ان صدام بعثي .. البعثيين مالهم دين .. شلون صار شهيد ما ادري
!!!!!اللي يضحك ان ليبيا اعلنت الحداد ثلاثة ايام لموت صدام حسين ... يايلك الدور

برد برد برد برد مو طبيعي هالايام ... اللي سمعته ان في بعض الناس لقو ثلج في جنوب السره ( ابي العنوان علشان اروح اشوف )... تجربه راح اسويها بحط ماي بره لليله كامله بشوفه يتجمد .. اعتقادي اييه راح يصير ثلج
العجيري يقول ليلحين بعد ما شفنا شي البرد اللي على اصوله ياي في الايام القادمه

يوم الخميس كنا معزومين على العشا مع بعض الاصدقاء .. واحد الموجودين ذكر ان في مسابقه لاجمل جمل !!!! ..والله من صجهم ، كلهم نفس الشي

ريجي نشف ..شخباركم ؟ وشنو سوالفكم