مشاهد من الحياة
(2)
المشهد الاول
رحت انا واختي كويتيه .. ناخذ امي وخواتي من المطار .. فتح الباب .. الا عروس من مصر .. بنفنوفها العرس وزينتها وكشختها
معاها يا خالتها والا امها .. والا وحده تصير لهم .. وبس
طبعا كل اللي في المطار يطالعونها
وريلها ناطيرها ولابس البدله الحلوه والكرفته البيضه
وتصوير ويباب ويقطون عليهم ورد .. يعني حفله بالمطار
يحليلهم استانسنا عليهم
الله يهنيهم ان شاء الله
المشهد الثاني
البيوت الكويتيه
ليش بعض الناس لما تبني ما تبني بضمير .. وخاصة الناس اللي مسويه هالبيوت للايجار .. تلاقي تييب مقاولين اي شي ..كل شي يحطونه رخيص وفي نفس الوقت غير صالح للاستعمال للمدى البعيد
يعني مثلا .. انا الحين ساكنه في شقه في منطقه نظيفه ويديده .. وندفع الشي الفلاني
دولكة الماي الطيح مني .. السيراميك اللي ينكسر مو الدولكه
شي ثاني .. ما صاريلي سنتين من ساكنه هذه الشقه .. الصزفه مع الديكور يتبططون
وانا من رأي يكون هناك شروط في البناء .. يعني البيوت صارت التصاميم عجيبه غريبه
بيت ثلاث طوابق واجه وحده مافيها مسافط الا اجبال البيت .. وين راح تصفطون فوق بعضوالالوان جاكليت
ليش الواحد يبني مساحات عالفاضي والمليان
واللي سمعته ان مواد البناء مرتفعه صايره ناار .. ليش لان بس منتج واحد اللي ينباع اللي هو الكويتي .. يعني ماكو
يعني مسكين اللي قاعد يبني ..70الف انسى تكفيه لازم تاخذ فوقهم 70 الف زياده علشان تبني
وما تخلص قسطك الا بعد 30 سنه اذا مو اكثر
رايكم شنو الحل ؟
13 comments:
اي والله يا سمايل
البيوت و البناي صار شي خيالي
شنو هذا !
قاعده هالايام المس معاناة حقيقيه لصديقتي تبي بيت !
عيالها كبروا
يبون بيت خلاص !
بس الاسعار خياليه
و الا سكنوا في قلعه وادرين
حتى قلعه وادرين ليلحين و بعد 13 سنه زواج ما ياهم الدور
و هم اذا يبون يبنونها يبيلهم سنين و فلوس
من وين؟
وعليه صارت بس تتحلم بالبيت !
بالنسبه للمنتج الكويتي
صج الكويتي انفع\
ونبي الكويتي
بس عاد ما تصير السالفة احتكار و منفعه للبعض على حساب العامه !!
الحل؟
لما ربج يفرجها بحكومه و اعضاء ينشد فيهم الظهر
يعني بالمشمش
wallah madri shagolich sweetie
akeed fi qawaneen ow mowasafat ma6loobah...bas moshkelaat alkuwait alkubraaaaaaa heya vitamin waw...la nftak min alwas6a chan zeen wallah
لا حظت هذا الشي في بناء الشقق ..
كنت ساكن في شقة تشطيب يديد لكن مواد بناء رخيصة جدا !!
و تخيلي ماكو عازل !!
أقولج مثال واحد و انتي حكمي ..
غرفة نومي فوق غرفة نوم اللي تحتي ..
كل شي يصير في غرفة اللي تحتي أسمعه بوضوح خلال الليل و لمدة أشهر !!
و لك أن تتخيلي ما سمعت !!
والله ما أدري شنو الحل !!
ناس انعدم فيهم الاحساس و راح ضميرهم !!
على بو ان البيت أجار و بطلع من وراه فلوس وهو مو بيت عمر علشان أقط عليه قط !! أظن هذا هو منطق الغالبية !!
الله المستعان !!
دولكة الماي الطيح مني .. السيراميك اللي ينكسر مو الدولكه
I liked this part, VERY funny!
I totally agree with what you said! They jut want to build the cheapest houses in the quickest time possbile with paying no attention on how the infrastructure will be like! greed is a big problem!
اولا .. تحيه علي البلوج الجميل ..
بصراحة انا متابع من فترة .. وعاجبني اسلوبك في عرض الوقائع ..
والمشاهد الجميلة..
وبالنسبة لموضوع المباني فهي في كل مكان في وطننا العربي نفس الشيء .. لاتغيير .. الطمع .. الاستغلال .. المحسوبية .. واللي بيكتوي بالنار .. الانسان .. المواطن .. العادي..
تحيه .. وسلام
الموقف الأول جدا بايخ و سخيف
وبصراحه فشلة..
الموقف الثاني .. هذا شي اسمه استثمار
في المشهد الأول .. حسيت بصراحة باحراج هذه البنت .. كأني انا اللي استلمت الكف !! مادري أمهات اليوم متى يتعلمون شلون يربون عيالهم !!؟
أما المشهد الثاني .. من البديهي أن اللي يبني بيت بقصد الايجار يبي يقلل على نفسه تكلفة المواد .. بالاضافة انه غير ملزوم قانونيا باستخدام طابوق معين أو اسمنت معين .. فالمستثمر طبيعي يشترى المواد الأوفر و الأرخص علشان يحقق أعلى مستوى من الربح.. وعلشان المؤجر ما يقعد على قلبه ويطق له وتد بالبيت :) ..
cr8ivia:
اي خيالي صار فوق الخيال
عيل شقه غرفتين 700 دينار
ليش ؟
ghasheema:
inshallah kheer
alwas6a marat tenfa3 bas etha ma khathet 7ag min e7goog alnas
cr8ivia:
اي خيالي صار فوق الخيال
عيل شقه غرفتين 700 دينار
ليش ؟
ghasheema:
inshallah kheer
alwas6a marat tenfa3 bas etha ma khathet 7ag min e7goog alnas
kuw son
ههههههههههه
اشلون استحملت .. عاد حلاته اللي ساكن تحتك يشخر شخير مو طبيعي
واسرارهم كلم عندك
وتدري بعد شنو .. بعض اللي يشترون اذا عجبهم البيت حيل .. خلاص ينسون شي ثاني والمشاكل تيي بعدين
مشكور
hasan.b
اييه والله صطتني البوهه لما انكسر السيراميك ما ادري شسوي
وقعدت اضحك .. كل ما اشوف الحين السيراميك .. اضحك
وهذا ولا شي غير الحمامات غيرناهم
والشور
الله يعيناه بس
مشكور
labido :
مشكور وما قصرت
والله انك تشوف البيت من بره .. ومن داخل .. حدث ولا حرج
مشكور عى الزياره
محمد بن سالم
سخيف !!! ما اوافقك الراي
مستانسين والله يهنيهم
ثاني شي .. شنو هذا الاستثمار اللي ابني بارخص شي واعرض الناس للخطر ..
الحارث بن همام
بيستثمر على عيني وعلى راسي .. بس ما يعرض الناس للخطر .. يعني مثلا في واحد باع بيت واكتشف الشراي ان البيت خطر عليهم ان الوايرات كلها تعبانه
بالعكس المؤجر مو ملزوم ان يغير شي في البيت .. يعني مثلا انا غيرنا البريكر مرتين
واللي دفع منو صاحب البيت
فهو خسر مرتين يوم شرا اول مره وثاني مره
فليش ما يحطون من اول شي المواد الزينه انا ما اقول اغلى شي . بس انها صالحه للاستعمال لمده طويله علشان يرتاح من المؤجرين
مشكور على الزياره
يبتيها عالجرح يا سمايل
انا طالعتلي ال70 الف من زمان وللحين ماشريت بيت والسبة انه لازم اخذ قرض عشان تكفيني اشتري بيت حكومة بالقرين :S
منو عنده بيت بجنوب السرة يبيعه لي ب75؟:Pp
Post a Comment