worst books
_______________
عمارة يعقوبيان .. انا ما ادري ليش فاز بما ادري اي جائزه وصارت عليه ضجه اعلاميه
قريت منه 30 صفحه ولاعت جبدي
في مشروع ان ينحرق الكتاب من مجموعه الكتب اللي امتلكها
الغريب ان شلون انباع هني في الكويت .. وهذا بعد مو الاصلي محذف منه
اما الكتاب الثاني وهو كتاب " ارني الله " للمؤلف توفيق الحكيم . بصراحه اشلون صار هالكاتب من اشهر الكتاب .. هذا الكتاب هو مجموعص قصصيه .. قريت منهم قصتين
وضاق خلقي يوم شريته
NO more tawfeq al7keem
اللي يعرف كتب تسوى انها اقراها
يعلمني
موت الغرب .. من الكتب الجيده .. وتخليك تحمد ربك على نعمة الاسلام
11 comments:
عمارة يعقوبيان هذا مو فيلم مصري !؟
صار كتاب بعد !؟
لا يكون على بالهم
Harry potter ha ha ha !!
السلام عليكم
عمارة يعقوبيان بالأساس كان كتاب كتبه الكاتب المصري علاء الأسواني سنة 2003
و بعدها قرروا يسونه فيلم و الحين نزل كتاب ثاني اسمه " شيكاجو" و ما استبعد انهم يسونه فيلم ايضا
عمارة يعقوبيان عبارة عن توثيق لحياة انسان الشارع المصري و منو ممكن يصادف بيومه و ممكن يمر يمه و منو يعيش معاه. طبعا الكاتب كان عنده وجهة نظر مبطنة بين السطور و الحدق يفهم على قولتهم. انا شخصيا حسيت ان الكتاب مشابه حق مسلسل ليلي الحلمية حياة اشخاص معينين و شنو يدور فيها طبعا وعلاقة حياتهم بالوضع العام للدولة سواء سياسي او اقتصادي او او او ...
اذا تسمحونلي اقترح عليكم بعض الكتب الي اعجبتني و اتمنى يكون اقتراحي موفق و يعجبكم
انا من النوع الي افصل نفسي و افكاري و مبادئي و كل الي تعلمته و تربيت عليه لما اقرا كتاب او نص مسرحي او حتى فيلم و آخذ الموضوع على انه طقعة فنية و انتقدها على هالأساس
المهم بحط لسته من جم كتاب حبيتهم و ان شاء الله يعجبونكم
تلك العتمة الباهرة - المؤلف: الطاهر بن جلون
رائحة البحر - الوؤلف: طالب الرفاعي
مدن تأكل العشب - المؤلف: عبده خال
الحزام - المؤلف: أحمد أبو دهمان
* I Sweep Sun Off Rooftops (collection of short stories) By: Hanan Al Sheikh
* White Oliander. By: Janet Fitch
* Time Traveller's Wife. By: Audrey Niffenegger
* The Blind Owl. By: Sadegh Hedayat
* Eleven Minutes
* The Witch of Portobello -both- by: Paulo Coelho
kuw-son
اول شي كتاب بعدين سووه فيلم وجان زين مت سووه
احلى شي انهم بالفيلم طبوا برئيسهم طب بس بشكل غير مباشر مساكييين
anonymous:
الكتاب ما قدرت اكمله ليش ؟ من سوء الكلام الموجود فيه .. وحتى لو مثل ماتقول على انه قطعه فنيه ( يا كب البدليه ) بس الكتاب ما ينقرأ .انت لما تبي تقرا الكتاب تبي تستمتع في كل كلمه بس الكتاب كله يخليك تلوع جبدك
ما انصح اي احد انه يقراه
ومشكور او مشكوره على الاقتراحات
الحمد لله لا قريت الكتاب ولا شفت الفيلم ..
لاني سمعت عنهم كتير ..
وانصحك تحرقي الكتاب وتتخلصي منه ..
ونصيحه ليكي اقرأي عن حياة صحابة رسول الله ص ...
وربنا يوفقك
علشان ما نشتري كتب وتطيح بجبودنا , يُنصح بقراءة الفهرس والمقدمة قبل شراءه , حتى نقدر ناخذ فرشة سريعة على محتوى الكتاب ونتعرف على أسلوب المؤلف ..
إذا كنتي من هواة الروايات الأدبية .. ماكو على أستاذ الأدب الروائي مصطفى لطفي المنفلوطي .. عنده رواية *في سبيل التاج , *ماجدولين ,وغيرهم
وإن كنت من هواة الروايات الغربية المترجمة .. يحتل المرتبة الأولى ( بالنسبة لي طبعاً) دان براون .. مؤلف راوايات * ملائكة وشياطين * شيفرة دافنشي , * حقيقة الخديعة * الحصن الرقمي .. وستنزل قريباً رواية * مفتاح سليمان ..
الاخوة الاعداء رواية روعة
شيكاغو حلوة بس شغل مصريين
ثلاثية غرناطة وايد حلوة
وفى قصص حق كاتب كويتى جديد اسمه هيثم بودى
منها الطريق الى كراتشى
حلوة
وقصص غازى القصيبى عجيبة
مافيه على روايات امين معلوف
و مؤلفات انيس منصور
على الاقل ما يخورونه
labido :
افضل شي لك .. لا الضيع وقتك
اما عن صحابة الرسول صلى الله عليه وسلم احب انه اسمعهم لان مرات ما افهم فملا طارق سويدان ونبيل العوضي يشرحون لك
قصص القرأن . روعه
اسمعه لنبيل العوضي
شكرا
الحارث بن همام
هذا الغلط اللي سويته انني ما تصفحتها على السريع
ومشكور على الاقتراحات
mishari
كتاباته حلوه وسلسه
الطريق الى كراتشي .. ما قدرت اهدها لمن خلصتها بساعتين
غازي القصيبي كاتبي المفضل
مشكور على الاقتراحات
حام بن ضرار
امين معلوف سمعت عنه بس ليلحين ما قريت له شي
بس لو تقولي اشهر رواياته علشان اقراها
انيس منصور .. ليلحين كتابه حول العالم في 200 يوم ما خلصته .. واااايد في احداث بس حلو كل ما عندي شي اسويه قريته
حلو انه كل فصل بروحه .. لانه عن اكثر من دوله
شكرا
:)
اخيتي العزيزة، انا ما مدحت كتاب عمارة يعقوبيان. لما قلت قطعة فنية اقصد بشكل عام مو مدحا بالكتاب نفسه. عمارة يعقوبيان مو ذوقي ولكن قريته مضطرة لأني كنت مشتركة بمجموعة قراءة و كان الكتاب واحد مو الإقتراحات فبطبيعة الحال لازم اقراه عشان اتناقش مع اعضاء المجموعة.
تبين تضحكين صج؟
اكو كتاب طحت عليه قبل فتره اسمه ( تيس في ستاربكس) المؤلف اممممم شي رجب على ما اعتقد. الكتاب فصله جد جد فيلم انا اللي شدني عنوانه قلت بشوف شسالفة الكتاب بس طلع على قولة المثقفين ضرب من الجنون اللي ما
استسيغه كلش ما ادري يمكن يعجب غيري و احترم رايهم بس انا الصراحة ما اسميه كتاب اساسا :)
لا تشكريني حبوبه هذي هوايتي :)
have a nice day..
Post a Comment